昨日林峯与未婚妻张馨月拍拖现身老友陈山聪婚宴，盛传二人将于林峯下月8日40岁生日时拉埋天窗，看来今次趁机为婚礼取经。
一对对准新人手拖手到场，还大方企定定合照，期间林峯细心指示张馨月望镜头方向，不过他们却婉拒做访问，于拍照后，林峯便轻抚张馨月纤腰入场。
袁伟豪和张宝儿拍拖到场，二人影相时更作状咀嘴，非常甜蜜。袁伟豪说：“今朝有去观礼，见山聪读誓词好感动，见佢窒晒又喊晒，都知佢有丰富人生经历！我哋识咗廿年啦，大家跑步都有倾心事，依家佢成家立室，做个有腰骨嘅男人，都好戥佢高兴。（观礼时有冇学到嘢？）点都吸收到啲，（几时到你做有腰骨男人？）几时都系有要腰骨，山聪攞咗牌，我排定队啰！（有婚期？）快啦！要夹好多嘢，有消息再公布！”而张宝儿则没有观礼，但有睇直播，她表示都有感动到喊。
胡定欣与胡蓓蔚出席陈山聪婚宴，定欣黑色晚装性感低胸上阵，相当重视今晚场合，她坦言心情兴奋昨晚亦瞓唔着：“我哋又系新郎哥嘅兄弟、又系姊妹身份，我同佢又住同一条邨，大家识咗好久，由2004年电视剧《大唐双龙传》开始至今，由同事、跑友变为依家嘅知己，见佢搵到一辈子至爱，都好开心。”旁边胡蓓蔚称看山聪读誓词的片时很感动：“我都眼湿湿，我见山聪读到口窒窒，平时读稿都唔会口窒。（今朝观礼？）冇，要返工，今日系山聪大日子，佢都要用长时间装身，佢贪靓嘛！（帮手？）会帮手做接待同收人情仲会做埋司仪。”
作为契家姐嘅伍咏薇开晒声话恨饮一对新人杯茶，呢个心愿喺晚宴上终于实现咗，佢喺社交网上载咗当时嘅片段，见到山聪同老婆齐齐斟茶畀佢饮，伍咏薇仲饮到喊晒劲高兴，佢留言话：“恭喜山聪Apple大婚之喜❤分享今晚婚宴温馨热闹又感动嘅时刻，细佬大个仔啦…好好做人老公，恩爱满满，我真系估唔到你俩斟茶给我同老练，我开心到泪如泉涌。”之后佢哋仲合唱番一曲娱宾，场面温馨。
责任编辑：
