张致恒（Steven）日前宣布未婚做爸爸喜事，点知即时被爆一脚搭N船，被网友封做“世纪贱男”，佢仲连累埋老友关智斌（Kenny）开唔成骚，红馆梦碎！
Steven潜水几日，昨日佢终于喺ig蒲头道歉，佢为为自己：“我很后悔辜负了Kenny、公司。我的恶行伤害了所有人，即使对每位被伤害的人道歉，亦不会得到原谅。但我仍然想对各位再说一次：我犯了错，我对不起你们！”又话会深切反省所有不负责任嘅行为，会真心悔改咁喎。
Steven话得未婚妻原谅，佢话：“很感激雯雯在了解过事情后仍然体谅我。我承诺会做一个负责任的人，好好照顾她和BB。我会尽我所能去改过。我知道前面的路非常难行，希望各位能给我机会改过自新、重新做人。”希望Steven今次唔好再“死性不改”，做番个大人啦！
Steven出嚟道歉后，小四Moon都即时发声，以一个字“哦”回应，睇嚟唔多接受呢个道歉喎！
张致恒（Steven）卷入桃色丑闻，爆出佢有N个女友，之后又有指Steven跟庄端儿拍拖时曾劈腿蒋家旻（Angel），更指Angel因情伤喊自杀，不过Angel否认有呢件事。潜水几日嘅Steven，昨日终于喺网上发文道歉，向各位曾伤害过嘅人道歉。随后，Angel亦上载一张望夜景照，并留言：“Please dont disturb my peace（唔好打扰我嘅安宁）”唔少网民都话似乎Angel都想呢件事快啲告一段落呀！
昨日关智斌Kenny就喺网上晒出一张望海黑白照，感谢大家嘅支持同关心：“这两天并没有特别接触通讯软件和社交平台，但你们的鼓励和支持，我一一收到了，原谅未能逐一回覆。抱歉令关心我的人担心。我很好，感谢。你们也要好好的。”唔少圈中好友包括丁子高、黄浩然等亦有留言支持。
此外，有指张致恒Steven因为要还钱畀一众“前女友”，所以就向Kenny同好友郑希怡借钱，Kenny被连累后都依然肯帮助Steven渡过难关，如此不离不弃，认真够老友！郑希怡回覆东网：“有冇借钱就唔讲啦！喺呢件事，朋友可以帮的很有限，最终还是要他很负责任的去处理所有问题。”
责任编辑：
